जेन जी आन्दोलनका क्रममा घाइते भएका शान्तनु ढकाललाई मोरङस्थित सुकुना माध्यमिक विद्यालयले औपचारिक रुपमा सम्मान गरेको छ । विद्यालय परिसरमा आयोजित एक विशेष कार्यक्रममार्फत ढकालको शाहस, संघर्ष र आन्दोलन प्रतिको प्रतिबद्धताको कदर गर्दै उनलाई सम्मान गरिएको हो ।
सम्मान कार्यक्रममा विद्यालय व्यवस्थापन समिति, प्रध्यानाध्यापक, शिक्षक—शिक्षिका, कर्मचारी तथा विद्यार्थीहरुको उल्लेखनीय उपस्थिति रहेको थियो । कार्यक्रममा बोल्दै विद्यालयका प्रतिनिधिहरुले जेन जी आन्दोलनका क्रममा ढकालले देखाएको सक्रियता र साहसपूर्ण भूमिकाको प्रशंसा गर्दै, उनी जस्ता सचेत र जिम्मेवार युवाहरु समाज परिवर्तनका संवाहक हुने बताए ।
कार्यक्रमका वक्ताहरुले आन्दोलनका क्रममा घाइते हुनु दुःखद भए पनि शान्तनु ढकालको आत्मबल र उदेश्यप्रतिको निष्ठा प्रेरणदायी रहेको उल्लेख गरे । साथै, उनको सिघ्र स्वास्थ्यलाभको कामना गर्दै विद्यालय परिवार सधैं नैतिक रुपमा साथमा रहने प्रतिबद्धता व्यक्त गरिएको थियो ।
विद्यालयले शान्तनु ढकालको योगदानले विद्यार्थी समुदायमा सचेतना र सामाजिक उत्तरदायित्वको भावना विकास गर्न सहयोग पुगेको जनाउँदै, यस्ता सम्मान कार्यक्रमहरुले युवाहरुलाई सकारात्मक परिवर्तन तर्फ अग्रसर गराउने विश्वास व्यक्त गरेको छ ।
